1. 對於開幕電影"母親"尾段的處理, 有關當局毫無誠意的所謂道歉聲明非常仆街, 明顯覺得無咩問題.
2. 誠如 Frankie所言, 每當看見第二屆亞洲電影頒獎禮"歌功頌德"的宣傳片時, 便覺得非常尷尬. 尤其片段中在記者會後準備離開, 笑容可掬的全度妍, 難以想像到一分鐘後的她被迫在臭氣沖天的冷巷接受傳媒訪問, 繼而黑面拂袖而去. 還有被畸佬記者譏諷其頒獎禮有"七不思議事件"等等.
身為主辦地市民的我都覺得醜, 反而主辦單位完全冇事發生過, 不知道他們是厚顏無恥,還是有智障問題.
最乞人憎係 - 個段野好吵!!!!!!
3. 懷念兩年前沿用多年那段"短小精悍"的HKIFF 片頭; 極討厭上年及今年那段"炒埋一碟, 俗不可耐"的Trailer.
4. Grand cinema硬件一流, 軟件九流; 大會堂太殘, 唔應執執佢; 文化中心雖然座位較窄, 但銀幕夠闊, 座位亦多, 可以重拾當年大戲院的感覺. 交通方便, 最重要是收不到電話訊號, 因此一直是本人選擇場地的首選; UA 時代軟硬件都不合格, 好心下年咪再要佢!!!!!
5. 天星碼頭雖已搬遷接近兩年, 但我始終不習慣要走12-15分鐘才到達大會堂, 苦了一眾走場的影痴. 極念當年一上岸不到5分鐘便到劇院的時代.
6. 雖贈閱兩期"喵"雜誌, 但反而令我覺得此書的表達語言定向不定, 絕不考慮訂閱.
7. HKIFF 由小眾走上普及化, 代價是多了一批質素低劣的觀眾. 例如講少陣野都會死既港女/港男/港叔/港嬸.
8. 下年本簡介可唔可以細本D?? 同埋劇介寧願你唔寫, 都可否不要再老吹??
9. 沒有F-CUBE, 又沒信心可以看到25套片, 下年都是託友人一起訂票好了.
10. 今年少了遇上認識的影友, 是我們沒有緣份, 或是他們有人放棄觀影呢?
11. 睇戲時若見楊凡AUNTIE, 千萬記得有咁遠坐咁遠. 免得無聊聲浪影響閣下觀影的興緻.
Comments (5)
Point 2: 除左全小姐事件之外，其實覺得個翻譯都好有問題，我到而家都記得當舒淇同劉青雲頒唔知咩獎時，佢兩個等翻譯既尷尬表情！
Point 4: 我好彩，果次去Grand Cinema睇「I didn't do it」又遇唔到cut畫既情況，重對個戲院幾有好感！不過實在太唔就腳，要轉兩次車至去到！大會堂呢，好似就已經裝修左架啦喎！至於UA，唔單只時代廣場，太古果間都唔係咁理想，希望下年唔會再見到啦，我反而懷念葵青劇院，睇完又可以去隔離葵涌廣場食野，正！
Point 6:「喵」？算吧啦，本野又無料到，個廣告又cheap成咁，$20蚊都要諗過啦！
對於Point 11，我深表同情！:D
Point 1: 有道歉過嗎？我沒看到，可否告之哪裡可以看到？
今年電影節的觀眾真係好可怕，又喪笑又高談闊論........不知所謂，我也忍不住炮轟了：
http://www.xanga.com/Roy_Hung/650539861/item.html
極同意Point 3，條片真係好核突，仲要強迫我次次睇，入面相當無誠意的配樂，真係夜晚訓覺都會嚇醒。
dukeofaberdeen: 係講剷片 wedsite 睇到此段消息. 我寧願佢咩都唔講好過而家係度講廢話. 內容大致係對山田洋次深感歉意, 同埋係工作人員同場地職員溝通失誤所致諸如此類官腔.
我係電影節連線先看到這個POST,看到這次的標題,我也不得不發一下口水,看了多年電影節感覺又盛走向衰,表面上觀眾層多左,實際上素質問題也多左,以前我看電影不會有那麼多議論聲音,我以前不用在戲院裡面找位置,以前先到的人很有自覺,會集中座,現在真的是FREE SEATING,常常有隔位,我自己都不想影響先進場的人,唉,或者那時是鬼佬多依家是本地人多;本地人的禮貌或者很多都不如老外吧。